دسترسی ها

بیر گلینجیک…
بیر گلینجیک آلدیم
بیر قیزا کی،
یوْخوم ایدی
و بیر گؤزلوک
آنام اوچون
کی، گؤزلری داها گؤرمور
ایندی ده گئدیرم
بیر دسته گول باغلاییم
اونا کی، گؤرمه‏ یه‏ جه‏ یم
” غفور تقی اوغلو ”
قویون اولماق چتین شئیمیش
بو دونیانین عذابی چوخ،
حاققیندا حاق – حئسابی چوخ،
قویونوندان قصابی چوخ،
قویون اولماق چتین شئیمیش.
***
بوینوندان چاتی ساللانیب،
بیر چنگه اوْتا آلدانیب،
یئییب،کؤکه‏ لیب، باللانیب
قویون اولماق چتین شئیمیش.
***
کؤتوک‏لر قارالان یئرده،
پیچاق‏لار جان آلان یئرده،
چوبان‏لار قورد اولان یئرده،
قویون اولماق چتین شئیمیش.
” رامیز روشن”
قاریشقالار
قارا – قارا قاریشقالار،
کپه‏ نه ‏یی نئیله ‏دینیز؟
توپلاشدینیز، توپ اولدونوز،
قاناد-قاناد قوپاردینیز،
داشیدینیز،آپاردینیز،
کپه‏ نه‏ یی نئیله‏ دینیز؟
آیریلدی گون ایشیغیندان،
سییریلدی گؤی قورشاغیندان،
قولاغیم باتدی، توتولدو،
گول‏لرین قیشقیریغیندان،
کپه ‏نه‏ یی نئیله ‏دینیز؟
دردی دوشر آغیزلارا
هارایلار، چاغیرار سیزی.
نه یئدیرر، دوْیوزدورار،
نه قیشدان چیخارار سیزی،
کپه ‏نه ‏یی نئیله ‏دینیز؟
” رامیز روشن “

ساچلاریمدان…

ساچلاریمدان همیشه ‏لیک کؤچوب
اللریمدن،
گؤزلریمدن اوزاقلاشیب،
هاراسا گئدیبسن.
ایزلرینی،
یئل توزلو بوجاقلارا گؤتوروب.
گلسن،
بوردا بیر گئجه وار
یاشاییر و اؤلور
اونوتما.
” لاله جوانشیر”

( یاشماق ادبی قوروپو )
تهیه و تنظیم : الهام عبادی( دبیر سرویس تورکی )    

پایگاه خبری توران