دسترسی ها

پایگاه خبری توران:

اوچ – دؤرد گونه سؤز وئردی یار، اوچ – دؤرد ایله دوشدو

چونکی اونودوب وعده سین، ایش موشکوله دوشدو

گاهدان « کانادا » گاهدا « سوییس » ویلاسی آلدی

من کنده داشیندیم ، آرادا فاصیله دوشدو

میلیارددان اوچ – دؤرد دوْلار اسکیک پول آپاردی

بو آزلیغا خاطیر ، آرامیزدا گیله دوشدو

قارداش ایشی چون قارداشا دوشدو، ایشی بیتدی

من « هابیل » ایدیم آنجاق ایشیم قابیله دوشدو

مؤولوک ، قانالیقلار اوْنون اولدو بؤلوشنده

قیسمت بو ایمیش، بنده یه دؤرد – بئش گیله دوشدو

روزی بؤلوننده اوْ نا کامیونلا وئریلدی

من روزییه باخدیم کی، سؤکوک زنبیله دوشدو

اوْ اکدی ، بیچیب ، حاصیلی ده ائیله دی صادیر

یوزلر جوره آفت ده بیزیم حاصیله دوشدو

دوْکتور فیلانیء ، آیدا بئش – اوْ ن دفه گؤروردوک

چون اوْ لدو نوماینده ، گؤروشلر ایله دوشدو

بعضیلره بختین قاپیسی یئکسر آچیلدی

بیزلر یئتیشنده ، قاپی تئز ایشگیله دوشدو

هر کیم کی، ییغیب رأی ، گئدیب بخته ور اوْ لدو

رأییء سالانین دا اوره یی، نیسگیله دوشدو

چون « بخش – ی خوصوصی » دئدیلر ایشلره باخسین

ایمکاناتیمیز تکجه بئش اوْ ن فامیله دوشدو

« طنز» عونوان ائدیب « آرش » ائلین دردینی یازدی

شئعری اوْ دوکی ، اؤلکه ده دیلدن دیله دوشدو

« حمید آرش آزاد »

تهیه و تنطیم : الهام عبادی ( دبیر سرویس تورکی )