دسترسی ها

پایگاه خبری توران : بیر ایل چوخ قوراخلیق اولور. گؤیدن بیر دامجی دا دوشمور. اوت – علف قورویور. حئیوانلار کوْرلوق چکیر. چوخو آجیندان قیریلیر. جئیرانلاردا تلف اولماغا باشلاییرلار. گؤرورلر کی بئله گئتسه آجلیق آخیرلارینا چیخاجاق. بیر یئره ییغیشیب مصلحت – مشورت ائله‏ ییرلرکی الله تعالی‏نین درگاهینا ائلچی گؤنده ‏رسینلر. بیلمک ایسته‏ ییرلرکی دونیانین آخیری چاتیب یا خلاص اولماغین بیر یولو وار؟ ائلچی گئدن جئیرانا اسمارلاییرلارکی :
– اگر شاد خبرله قاییتدین او تپه‏ نین باشیندا مایاللاق آشیب اویناخلایارسان. اوندا بیلیریک کی یاغیش – یاغمور اولاجاق یوخسا سن چاتینجان تابلانماریق. جئیران یولا دوزه‏ لیر. تانری‏دان دیلک ایست ه‏ییر. نییه‏ تین بیلدیریر. حقدن صدا گلیرکی :
– یاغیش اولمایاجاق ، ایل قوراق کئچه‏ جک.
جئیران کور – پئشمان گئری قاییدیر. تپه‏ نین باشینا چاتاندا دئییر :
– جئیرانلار یازیق‏دیر. اونسوزدا قیریلاجاقلار. هئچ اولماسا اؤلنه‏ دک اومودلری اوزولمه‏ سین دئیه، تپه‏ نین باشیندا اویناماغا باشلاییر. بو دم بیر سئلله‏ مه یاغیش تؤکولورکی اوجوندان توت گؤیه چیخ. جئیرانلار سئویندیکلریندن آتیلیب دوشورلر.
تاری‏نین ائلچیسی اوزون حق درگاهینا توتوب دئییر :
– سنه فدا اولوم بس دئدین قوراقلیق اولاجاق. بو نه یاغیش‏دیر بئله ؟
سس گلیرکی :
– من یاغیشی سنین اوره‏ گینه گؤره یاغدیردیم.

تهیه و تنظیم : الهام عبادی ( دبیر سرویس تورکی )